Başçının müavini - Ərazi-təşkilat və ictimai-siyasi məsələlər şöbəsinin müdiri
Pərviz Nadir oğlu Ağayev 27 oktyabr 1987-ci ildə Şərur rayon Dəmirçi kəndində anadan olmuşdur. 1993-2004-cü illərdə Şərur rayon Dəmirçi kənd 1 nömrəli tam orta məktəbində orta təhsil almışdır. 2009-2014-cü illərdə Azərbaycan Dövlət Pedaqoji Universitetində Coğrafiya müəllimliyi ixtisası üzrə bakalavr təhsili almışdır.
Əmək fəaliyyətinə 2011-ci ildən Şərur rayon Dəmirçi kənd 2 nömrəli tam orta məktəbində müəllim işləyərək başlamışdır. 2013-2018-ci illərdə Dəmirçi kənd tam orta məktəbində müəllim, 2018-ci ildə Şərur rayon Təhsil Şöbəsində Metodist vəzifəsində işləmişdir. 2018-2021-ci illərdə Dəmirçi kənd tam orta məktəbində Tədris işləri üzrə direktor müavini vəzifəsində çalışmışdır. 28 oktyabr 2021-ci ildə Naxçıvan Muxtar Respublikası Sədərək Rayon İcra Hakimiyyəti başçısının müavini təyin olunmuşdur.
Ailəlidir, iki övladı var.
Başçının müavini - Sosial-iqtisadi və memarlıq-tikinti məsələləri şöbəsinin müdiri
Yusif Mirabbas oğlu Seyidov 9 yanvar 1970-ci ildə Sədərək rayon Sədərək kəndində anadan olmuşdur. 1977-1987-ci illərdə Sədərək rayon Sədərək kənd tam orta məktəbində orta təhsil almışdır. 1987-1993-cü illərdə Ukrayna Respublikasında Dəmiryolları mühəndisləri institunda “Sənaye və mülki tikinti” ixtisası üzrə əyani və 2002-2005-ci illərdə Azərbaycan Respublikasının Prezidenti yanında Dövlət İdarəçilik Akademiyasının “Dövlət və bələdiyyə idarəetmə” ixtisası üzrə qiyabi formada bakalavr təhsili almışdır.
Əmək fəaliyyətinə 1995-1998-ci illərdə Sədərək Rayon İcra Hakimiyyətində Təhsil, Səhiyyə və Mədəniyyət şöbəsində böyük referent vəzifəsində başlamışdır. 1998-2004-cü illərdə Sədərək Rayon İcra Hakimiyyətində Sosial iqtisadi məsələlər şöbəsində böyük iqtisadçı vəzifəsində işləmişdir. 2004-2007-ci illərdə Sədərək rayon Yol Təmir İstismar idarəsində rəis vəzifəsində çalışmışdır. 2007-2018-ci illərdə Sədərək Rayon İcra Hakimiyyəti başçısının müavini, Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində işləmişdir. 24 iyun 2024-cü ildə yenidən Naxçıvan Muxtar Respublikası Sədərək Rayon İcra Hakimiyyəti başçısının müavini təyin olunmuşdur.
Ailəlidir, üç övladı var.