Sədərək rayonunun Heydərabad qəsəbəsində rayon İcra Hakimiyyəti başçısının növbəti səyyar qəbulu keçirilmişdir. Səyyar qəbul zamanı vətəndaşlar tərəfindən qaldırılan müraciətlər əsasən sosial məsələlər, məhəllədaxili yolların vəziyyəti, kommunal xidmətlərin yaxşılaşdırılması və digər gündəlik problemlərlə bağlı olmuşdur. Sakinlərin müraciətləri diqqətlə dinlənilmiş, bəzi məsələlər yerində həllini tapmış, əlavə araşdırma tələb edən müraciətlər isə aidiyyəti qurumlara yönləndirilməklə nəzarətə götürülmüşdür.

Görüş zamanı vətəndaşların müraciətlərinə həssaslıqla yanaşılmasının vacibliyi vurğulanmış, qaldırılan məsələlərin qanunvericiliyə uyğun şəkildə həlli üçün müvafiq tapşırıqlar verilmişdir.

Qeyd olunmuşdur ki, vətəndaşların problemlərinin yerində öyrənilməsi və operativ həlli məqsədilə rayonun digər yaşayış məntəqələrində də səyyar qəbulların keçirilməsi davam etdiriləcəkdir.