Sədərək Rayon İcra Hakimiyyətinin başçısı Naim Cahidzadə Sədərək Rayon Uşaq Musiqi Məktəbinin kollektivi ilə görüş keçirdib.

Məktəbdə sinif otaqları və şagirdlərə yaradılan şəraitlə yaxından tanış olan icra başçısı məktəbdə mövcud olan problemlərlə maraqlanıb. Görüşdə Rayon İcra Hakimiyyəti başçısı Naim Cahidzadəyə müraciət edən müəllimlər diqqətlə dinlənilib, səsləndirdikləri məsələlərə aidiyyəti məsul şəxslərin iştirakı ilə aydınlıq gətirilib. Məktəbin direktoru Vəfa Həsənova rayon rəhbərinə məktəb və müəllim-şagird kollektivi barədə ətraflı məlumat verib, eləcə də onlara göstərdiyi qayğıya və səmimi münasibətə görə rayon rəhbərliyinə müəllim-şagird kollektivi adından minnətdarlığını bildirib.